Evangelium secundum Matthaeum*
Caput 26: Versus 39
Si possibile est.Hoc non pro timore, sed pro misericordia, ne Judaei, qui excusationem ignorantiae non habent, non occidant; unde ait:iste,id est populi Judaeorum non simpliciter calix:Si possibile est,ut sine interitu Judaeorum credant gentiles, passionem recuso. Sin autem illi excaecandi sunt ut gentes intrent, fiat non mea, sed tua voluntas.Non sicut ego volo.[AUG.]Transfigurat in se suos, qui nihil aliud vult quam Pater, ut ibi:Esurivi et dedistis mihi manducare. Et quid me persequeris?Docet autem eos privatam voluntatem corrigere et dirigere juxta divinam.[AMBR.]Hominem quem veritate corporis demonstrabat, aequabat affectu, ut diceret:Sed non sicut ego volo, sed sicut tu.Suscepit voluntatem meam, suscepit tristitiam meam. Confidenter tristitiam nomino qui crucem praedico.